الجمعة، 24 ديسمبر، 2010

دكتور محمد عبيد ॥ طبيب مصرى من أفضل أطباء العالم



الــمـتـســابـــــق الأول
---------------


قليل جدا لما تلاقى نماذج من النماذج المشرفة لمصر و الناجحة على المستوى العالمى و ليها إنجازات فى بلاد أجنبية
دكتور محمد عبيد .. مصرى اتولد سنة 1976 فى مدينة القاهرة
دكتور محمد زيّه زى أى حد من ابناء مصر .. كافح فى تعليمه و استمر فى دراسته و طور من شهاداته
حصل على الدبلومة الأمريكية بمدرسة سترودسبورغ الثانوية بولاية بنسلفانيا ، بالولايات المتحدة الأمريكية عام 1994 م . مش بس حصل عليها كدة وخلاص , لأ كان هو صاحب المركز الأول و اسمه فى جريدة البوكنو ريكورد الأمريكية - سنة ١٩٩٣
حاصل على بكالوريوس الطب والجراحة ، كلية الطب ، جامعة القاهرة ، مصر عام 2001 م . حاصل على درجة الماجستير في الجهاز الهضمي والكبد والأمراض المعدية , كلية الطب، جامعة القاهرة ، مصرعام 2006 م .
ناجح بإمتحانات الدكتوراة عام 2009
دكتور محمد عضو فى كل من :
• الجمعية الامريكية لمناظير الجهاز الهضمى .
• الجمعية الأوروبية لمناظير الجهاز الهضمى .
• الجمعية البريطانية لأمراض الجهاز الهضمى .
• الجمعية المصرية لمناظير الجهاز الهضمى والكبد .
• الجمعية المصرية لدراسة الجهاز الهضمى والكبد .
• مدرب لمناظير الجهاز الهضمى لأطباء من داخل وخارج مصر .
• عضو فى مجلس التعليم للجمعية المصرية لدراسة المناظر .
• مراجع فى المجلة الأمريكية لمناظير الجهاز الهضمى .
• مراجع فى المجلة العربية لأمراض الجهاز الهضمى .
• عضو مجلس تحرير المجلة الطبية البريطانية .
• عضو مجلس تحرير المجلة البريطانية للحالات النادرة ومراجع لها على الموقع .
• نشر صور المناظير على الموقع العالمى للمناظير . Gastrohep.com
• محرر فى المجلة الطبية (جريدة الطبيب ) .
وهو أصغر مستشار تعليمى لجمعية دراسة أمراض الجهاز الهضمى والكبد على مستوى مصر

دكتور محمد فى حياته العملية حتى بعد مناصبه دائما يبحث عن الجديد اللى بيزيد من ثراء عرفته بمجاله و بيطوّر بيه أساليب العلاج و ينقلها لمصر
بيخصص من وقته كل يوم للابحاث العلمية على الإنترنت عشان يعرف آخر حاجة وصلها العلم فى مجاله و هو علاج امراض الجهاز الهضمى

اتقدم دكتور محمد للمسابقة العالمية للجمعية الاوربية لمناظير الجهاز الهضمى و فاز بالمركز الأول و طلع فى منحة تدريبية أختارها بنفسه لأشهر مركز لمناظير الجهاز الهضمى و هو الموجود بجامعة لندن , الجدير بالذكر إن 19 عالم فى المركز ده حصلوا على جايزة نوبل منهم 10 دكاترة ..


استمتع الدكتور محمد برحتله التدريبية دى اللى كانت حلم فى يوم بالنسباله و بيحكى موقف من المواقف الجميلة اللى قابلته إن مدير المركز ده البروفسيور "ستيف بيريران" اللى هو يعتبرأشهر أطباء العالم في مناظير دوالي المريء كان بيتكلم مع دكتور محمد اللى ماعداش سن 35 سنة و عرف منه إن عدد الحالات اللى عملها دكتور محمد فى القصر العينى فى مصر اكتر من الحالات اللى عملها الدكتور ستيف بنفسه طوال حياته .. وكان شىء مذهل بالنسباله

دكتور لما اتسأل عن تأخر الطب فى مصر و إننا ليه مش بنستخدم التقنيات الحديثة دى من بدرى .. جاوب بإن الطبيب المصرى و بالذات الشباب معذورين لإنهم من بعد التخرج بيبقوا مشغولين بتوفير متطلبات حياتهم المعيشية نظرا لراتبهم الضعيف من الدولة و بالتالى يفض الدكاترة يشتغلوا فى اكتر من مكان وربما كمان فى اكتر من مجال لتوفير الحد الأدنى من الدخل الشهرى وعشان كدة معظمهم مش بيلاقو الوقت لمتابعة الأبحاث الجديدة او حتى يعرفوا احدث الوسائل العلاجية على مستوى العالم و تطبيقها فى مصر و ده غلط كبير بس معذورين فيه

رغم الشهادات العالمية دى و العالية اللى تؤهل دكتور محمد إنه يكون من اكبر الدكاترة برة مصر إلا إنه فضّل إنه يكون لمصر و علمه فى خدمة شعبها و اهلها وهو حاليا أخصائى أمراض المعدة والأمعاء والكبد والمناظير- بوحدة الجهاز الهضمى والكبد بكلية الطب - جامعة القاهرة . وكمان هو المستشار التعليمى للجمعية المصرية لدراسة أمراض الجهاز الهضمى والكبد والمناظير .

دكتور محمد بيقود فرق من احسن الدكاترة على مستوى مصر فى القصر العينى و بيديروا ورش عمل لإنتاج أساليب و تقنيات جديدة لعلاج كتير من الأمراض فى مصر .. و بيدرسوا مع بعض تقنيات عالمية و يدخلوها مصر

المعلومات دى كلها اتبعتتلنا من واحد من المرضى اللى حسن حظّهم ربنا هداهم للعلاج على يد الدكتور محمد و كانت الرسالة اللى وصلت للفريق تتضمن النص التالى ده بنفس الصيغة :

" دكتور محمد عبيد من أفضل الاطباء الموجودين بمصر برغم صغر سنه حيث اننى اتعالج عنده من فتره قصيرة جدا لكن هو الوحيد الذى استطاع ان يعالج ويخفف من تعبى فبخبرتى السابقه مع عدة أطباء تم التعامل معهم من قبل لم يستطع أحد منهم ان يشفى آلامى بعد ربى سبحانه وتعالي فمعظمهم سببوا لي الضرر بالأدويه الغير مناسبة لحالتي والتى كانت تسبب لى الإغماء المستمر ولكن مع الدكتور محمد عبيد هو الذى استطاع ان يكتشف ويعالج ما اعانى منه بعد قدرة ربنا سبحانه وتعالى ، وهو أيضا محبوب بالنسبة لجميع مرضاه الذين يعالجهم فتعامله مع مرضاه تعامل كله احترام وذوق وعلم وأدب ، فلا يوجد به أى شىء من التكبر رغم نجاحاته الكثيرة المشرفة لمصر فهو إنسان متواضع جدا وأخلاقه فضيله، وسوف أعرض لسياتكم سيرته الذاتية الخاصة بنجاحاته المستمرة المشرفة لمصر وبعض الصور والشهادات الحاصل عليها من مصر ومن الخارج"

مصر فعلا فخورة إن د.محمد واحد من ابناءها
تمنياتنا بالتوفيق للدكتور محمد ولكل امثاله فى مصر
:)

‏هناك 27 تعليقًا:

  1. السلام عليكم ورحمه الله وبركاته ...
    احب ابدا كلامي بايه من القران الكريم .. بسم الله الرحمن الرحيم ( ان الله لا يضيع اجر من احسن عملا ) صدق الله العظيم.. واعتقد ان مساعدة الناس المحتاجه دا من احسن الاعمال عند الله عز وجل ودا اللي بيعمله الدكتور العظيم محمد عبد الحي عبيد .. وهقول لحضراتكم قصتي مع الدكتور محمد ... انا عمري 24 عام كنت عايش حياة هاديه جدا زي كتير من الشباب من سني .. ومرة واحدة حصل ليا حاله زي حساسيه وفضلت في الحاله دي حوالي شهرين من دكتور لدكتور ومفيش حل ومن ضمن الدكاترة واحد قالي انا مش عارف اعملك ايه وواحد تاني قالي احنا نتعشم في ربنا خير كلام انا مكنتش عارف هو بيتقال ليه بس فهمت منهم ان خلاص الحاله مبقاش ليها علاج ... وفي مرة كنت بتصفح مواقع النت وبالصدفه لاقيت موقع الدكتور محمد عبيد بعت لحضرته رساله وكنت متوقع 90 % مش هيبقي في رد ولكن حصل عكس ما كنت اتوقع ونفس اليوم الى بعت فيه الرساله لاقيت رد بيقول الاخ العزيز احمد برجاء الاتصال بي ولاقيت رقم الدكتور محمد في الرساله انا مكنتش مصدق بصراحه اتصلت بحضرته طلب مني شوية تحاليل وكدا ... الكلام دا كان يوم ثلاثاء . قالي يوم السبت الصبح تجيلي علي القصر العيني عشان اعرف اتابع حالتك كويس وروحت فعلا علي القضر العيني في المعاد وقابلت حضرتك وفي اقل من نص ساعه كان ورقي خالص ودخلت المستشفي .. وبفضل الله ثم فضل الدكتور محمد بعد 5 ايام من دخولي المستشفي بدات الحاله تتحسن تحسن غير متوقع وفضلت في المستشفي 17 يوم وطول المدة دي الدكتور محمد كان معايا ومفيش في مرة كلمته الا اذا لاقيته بيرد عليا ومتابع الحاله اول باول لحد ما بفضل الله ثم فضل الدكتور محمد تحسنت الحاله كثر وكمان وصلت الى شبه الطبيعي ولحد دلوقتي الدكتور محمد متابع الحاله ودايما بيطمن عليا مع ان الكلام دا حصل من حوالي سنة من ساعتها لحد وقتنا هذا انا بتاابع مع الدكتور محمد .... بالله عليكم اللي يعمل كدا مع واحد ميعرفوش وفي الزمن دا الى احنا فيه الاخ بيدوس علي اخوة يبقي دا انسان عادي ... اكيد دا ملاك في زمن كله شياطين .... احب اقول لحضراتكم الجامعات كل سنه بيطلع منها الاف الاطباء لكن نادر اوي لاما نلاقي دكتور زي الدكتور محمد ....بيتهيقالي انا ونتو عمرنا ما هنلاقي اخلاق ولا اخلاص زي اخلاق واخلاص الدكتور محمد ... في اخر كلامي احب ااقول للدكتور محمد .. ( الله يرزقك بالنجاح الدائم ... وبالصحه والعافيه .... وربنا يبارك في حضرتك يا رب ويكرمك ويشيل همك زي ما بتشيل هموم ناس كتير ... ) اسف للاطاله ولكن الدكتور محمد يستحق منا كل الاحترام وان اتيح لي المجال للكلام عن الدكتور محمد ... مهما اقول عنه هبقي ظلمته لان لحد الان مفيش كلام يوصف جمال اخلاقه وروحه الطيبه ...))

    ردحذف
  2. السلام عليكم ورحمه الله وبركاته
    فعلا بيكون الرد على سؤال للدكتور محمد على الموقع بيكون نفس اليوم او فى بدايه اليوم الثانى بالكثير لانى عندما علمت عن الدكتور محمد كان من خلال بحثى فى محرك البحث google عن اطباء للجهاز الهضمى والكبد وكان بدايه بحثى عن دكتور كبير فى القصر العينى وكنت شاهدت له برنامج فى التليفزيون ولكن خلال بحثى عن رقم هذا الدكتور وعنوانه هدانى تفكيرى لتغير اسلوب البحث عن طبيب اخر حيث اننى لم اجد المعلومات الكافيه عن هذا الدكتورالتى تريحنى وتطمئنى انه دكتور ممتاز فى مجاله ووقتها غيرت اسلوب البحث وكان عنوانه أشهر أطباء الجهاز الهضمى والكبد وكانت نتيجه البحث الاولى بها معلومات كثيرة عن دكتور محمد عبيد فتعمقت اكثر فى بحثى عن معلومات تخبرنى عن عنوان لعيادته او المكان المتواجد بيه ولكن خلال البحث وجدت رقم موبيل خاص بيه يضعه لمرضاه للإتصال به اثناء الطوارىء حيث ان مرضى الدكتور محمد يوجد منهم الكثير المعرضين للخطر اذا حدث لهم نزيف خاص بدوالى المرىء فمن خلال هذا الرقم يستطيعون الوصول ايه بسهوله فى اقل وقت لإسعافهم فى اسرع وقت ولكن عندما اتصلت بهذا الرقم للسؤال عن عنوان الدكتور كان يعطى لى انه ربما يكون مغلقا فأرسلت للدكتور رساله عبر الميل الموجود بالموقع عن رقم او عنوان له لكى اصل اليه ففعلا فى نفس اليوم وصلنى رقم واتصلت به للذهاب اليه وعندما ذهبت اليه كان مهتم جدا بالحاله وقراءة كل الاشعات والتقارير الموجوده معى بكل تركيز واهتمام واعطى لى وقتها العلاج المناسب واعطانى رقم تليفونه الشخصى لكى اتصل به لأطمأنه عن اخبار العلاج معى بعد اخد العلاج بأسبوع وارسلنى الى تخصصات اخرى لكى يطمئن وفعلا ذهب الى التخصص الاخر المطلوب واخذت العلاج ومن اليوم الثالث للعلاج اشعرت بتحسن رائع بالرغم انى قبل الذهاب للدكتور محمد ذهبت لأطباء كثيرون ولكن الادويه الخاصه بهم كانت تأثر عليا وتحدث لى الاغماءات المستمره ولكن مع الدكتور محمد الحمد لله بدأت فى التحسن من اليوم الثالث للعلاج واتصلت بيه فعلا بعدها بأسبوع وبلغته عن اخبارى وطلب منى عمل منظار للمعدة حيث انها كانت محتقنه جدا وعاده معظم الدكترة عندما يروا المعده محتقنه بالمنظار يقومو بعمل كى لها للعلاج ولكنه لم يفعل ذلك لكى لا يتعبنى وفضل استخدام العلاج معى اولا لكى اتحسن وفعلا خلال اولاسبوع من العلاج بعد المنظار آلام المعدة قلت كثيرا عن الاول غير اننى كنت فى اى وقت اتصل به للسؤال عن اى شكوى كان يجيبنى فيها وان كان مشغولا وقت اتصالى ولم يحالفنى الحظ برده على التليفون كان عندما ينتهى من انشغاله يقوم بإعاده الاتصال بالشخص المتصل به ويجيبه عن شكواه والدكتور محمد يفعل كل هذا مع كل مرضاه فتعامله كله ذوق واحترام وتقدير وتواضع واخلاق وعلم وخبرة ماشاء الله وتعملاته مع مرضاه كلهم بنفس الاسلوب السابق ذكره
    فعلا دكتور اخلاق وزو علم وحب من جميع الناس ربنا يحفظه لمصر ولاهلها ويجازيه خير وثواب عن كل مريض يعالجه بإذن الله ، فعلا كما يقول الاستاذ احمد عاشور مهما نقول عنه مش حنوفيه حقه .

    ردحذف
  3. اثناء بحثى ايضا عن الدكتور فى محرك البحث ومن خلال عده مواقع رأيتها كانت يوجد له العديد من الشهادات العلميه المشرفة من مصر ومن الخارج وأيضا يوجد العديد من الصحف والمجلات الاجنبية التى تتحدث عن نجاحات الدكتور محمد داخل وخارج مصر نجاحات فعلا مشرفه كتير لمصر

    ردحذف
  4. رشا الحيوان31 ديسمبر، 2010 8:15 ص

    د محمد عبيد هو نقطه تحول في حياه كثير من الناس من المرض الي الشفاء و هو علامه للنجاح و التقدم و الانتماء.
    تمنياتي لك بالوصول الي اعلي قمم النجاح و التوفيق و التميز دائماً يلاحقق ليس فقط في المسابقه بل في شتي مجالات الحياه و تحقيق كل ما تسعي اليه من نجاحات و انجازات.

    ردحذف
  5. السلام عليكم فعلا انا باكد حكيك يا استاذ احمد مو شوفت حدا متل الدكتور محمد قبل هيك و بيهتم جدا بالمورضي اللي تبعه اكتير الله يوفقه و يكرمه ان شاء الله

    ردحذف
  6. السلام عليكم
    الدكتور محمد إنسان ملاك مع مرضاه مافيش فى وقتنا ده إنسان ذو اخلاق واحترام وجدع وملاك كده زى الدكتور محمد ما فيش دكتور بيدور على مريضه اذا كان ربنا شفاه من مرضه ولا لا هم معظم الدكترة ثمن الكشف وخلاص انماانما الدكتور محمد زى بيقولوا مرضاه همه الانسان الاول تعب الشخص الى امامه وكيفية معالجته وازاحه المرض والشكوى عنه ربنا فعلا يكرمه ويوفقه ويجعل دكترة مصر كلها زيه كده
    دكتورة نانا

    ردحذف
  7. لك منا كل الثناء والتقدير ، بعدد قطرات المطر ، وألوان الزهر

    جميل أن يضع الإنسان هدفا في حياته ...والأجمل أن يثمر هذا الهدف طموحا يساوي طموحك ..

    لذا تستحق منا كل عبارات الشكر، بعدد ألوان الزهر ، وقطرات المطر .

    يا من أعطيت للحياة قيمة ...يا من غرست التميز ومعانية بين جدران السرائر البيضاء ...لذا نرسل لك وساما من النور بعدد كل نجوم السماء.

    منك تعلمنا أن للنجاح قيمة و معنى ...
    ومنك تعلمنا كيف يكون التفاني والإخلاص في العمل ...
    ومعك آمنا أن لا مستحيل في سبيل التعافي بإذن من الله عز وجل. ..

    لذا فرض علينا تكريمك بالدعاء المستمر والدائم .

    (أخوكم /مصطفي - صوت المرضي)

    ردحذف
  8. الفريق المساعد للدكتور محمد عبيد8 يناير، 2011 5:41 ص

    بسم الله الرحمن الرحيم

    *************** شهادة حق ************

    لقد رأيت من واجبي أن أشهد بكلمة حق للدكتور الانسان العظيم د.محمد عبيد بما لمسته عن قرب بحكم أني ضمن الفريق المساعد للدكتور.

    شاهدت قلب طفل في جسد دكتور عظيم يشعر بألام مرضاه و يحسها، كما يشعر بأن كل مريض هو أقرب الناس اليه يساعدهم بكل ما لديه من علم ووقت و معرفة، يهب كل وقته لمرضاه دون بخل و على حساب نفسه.

    أذكر أن أي أجازة يقوم بها ينبه علينا أن نكون مستعدون في أي وقت للعودة أثناء الأجازة لانقاذ أي مريض يحتاجه.

    لقد وهبه الله من العلم و المعرفة بما يفوق خبرته بكثير الكثير، كما أعطاه الطيبة و الاحساس المرهف و حسه العالي بغيره.

    أنه شديد الايمان و التقرب الى الله، فأعطاه الله حب الناس الى ما لا حدود.....فالى الأمام دائما.

    وفقه الله و رعاه و حفظه لمرضاه.

    ردحذف
  9. بسم الله ما شاء الله ربنا يارب يكرمه ويوفقه ويجعل كل الخير والمساعدة المقدمة للناس فى ميزان حسناته
    dr. nana

    ردحذف
  10. الحقيقة معرفتي بالدكتور محمد عبيد تمت عن طريق مؤتمرات الجهاز الهضمي المختلفة بحكم إختصاصنا الواحد. و الحقيقة وجدت من د. عبيد كل سمو أخلاقي و تعاون و حرص على مساعدة و إرشاد الغير. يضاف لذلك نشاطه الدؤوب في خدمة مهنة الطب و الأطباء عموما.
    في مصر نحن بحاجة لمثل هذة النماذج المحبة للتعاون حتى ترتقي البلد. أتمنى لـ د. عبيد التوفيق و التقدم من كل قلبي!

    ردحذف
  11. عن جد دكنور محمد يتسهال اكتر من هيك

    ردحذف
  12. ساره فاروق حبيب

    دكتور محمد عبيد يستاهل كل خير بارك الله فيه وحفظه لانه انسان محترم جدا و رؤوف بكل مريض ومحبوب من كل انسان يتعامل معه لانه ذو قلب كبير وغير متكبر كمعظم الاطباء نتمنى له التوفيق دائما

    ردحذف
  13. بسم الله الرحمن الرحيم
    لا أعرف من أين أبدأ حديثى فهذا... الأنسان.. الخير ..الحنان ..الأمل ..الشباب .. الذوق الرفيع .. العلم.. الأخلاق..الحب .. العطاء.....الكثير والكثير ......
    ان الأستاذ الدكتور/محمدعبد الحى الرفاعي عبيد
    مهما حاولت وصفه أوالحديث عنه فلن يوفيه حقه فكان له مواقف عدة معي فهو يساعد من يحتاج اليه في أي وقت وفي أي لحظة دون تردد فا بيدالله ثم بيديه التى جعل الله فيها الشفاءتم شفاء أمي التى ظننت أنها ستفارقنى وتتركنى وحيدة فى الحياة .... والحمدلله بأحسن حال...
    وأيضا عندما أحدثه أو أطلب منه أستشارة لشخصا ما لا يعرفه فيتساءل عن كل ما يخص هذا المريض وان كان الأمر بيده يخبرني أن أحضرله المريض ... وان كان يخص تخصص آخر وهو يعرف له طريق لا يتأخر عن محادثته وارسال المريض اليه....فهو لايتوانا عن فعل الخير ومساعدة الغير سواء يعرف أو لايعرف ...فهو رمز من رموز الخير ليس موجودا الآن الا قليلا جدا...
    يارب أحفظه وأرعاه وأحميه وأنصره دائما وأبدا يارب العالمين ...
    ووصيتي اليك أن تراعى نفسك جيدا وأدعوا الله لك أن يحفظك دائما فالله خيرا حافظا وهو أرحم الراحمين ...
    وأخيرا وليس اخرا بارك الله لك ويسر لك من كل الخير سبلا (اللهم أهدنا وأهدي بنا وأجعلنا هداة مهتدين )
    ...(اللهم أرزقنى الخير وأجري الخير على يدي وأجعلنى مباركا أينما كنت )

    ردحذف
  14. داليا سلام4 مايو، 2011 3:54 ص

    احنا بنتشرف بالدكتور محمد فى اى مكان وانا شخصيا لم اتعامل معاه ولكن حدثتنى صديقه على اخلاقه الفاضله وانه طبيب ماهر وسعدت جدا عندما علمت انه ابن الاستاذ الدكتور الفاضل عبد الحى عبيد الذى يشرفنى اننى من نفس القريه التى ولد بها وانه لن يتاخر لحظه عن ابناء قريته بالمساعده فهذ ليس جديد عن عائلة عبيد فهم دائما اهل الخير والاخلاق الفاضله.

    ردحذف
  15. "من المؤمنين رجالٍ صدقوا ما عاهدوا الله عليه ""
    بفتكر دكتور عبيد لما اقرأ الايه ديه و مش هينفع أتكلم عن دكتور عبيد كطبيب لان شهادتي فيه هتبقي مجروحه لكن هو كأنسان لم أري في رحمته اثناء تعامله مع مرضاه و انا واحده منهم لدرجة انه لم يغير رقم هاتفه الشخصي منذ ان عرفته من 6 سنوات و حتي الان رفقا بمرضاه (قمة التواضع) و صادفت ان سمعت بأذني دعاء احدي المريضات الكبار السن له بعد اجراء منظار لحقن دوالي المريء لها و انقاذها و غيرها الاف الحالات و الحمد لله ان دكتور عبيد معانا في مصر مع انه كان يقدر يسيبنا و يسافر بس الحمد لله انه قرر يبقي معانا لان ربنا بيحبنا و عشان نتطمن بوجوده دايما .ربنا يحقق له كل الخير اللي بيسعي له و يتم عليه نعمة الصحه و يعلي قدره علي قدر حب الناس ليه و قريب جدا ياخد نوبل اللي هو اكبرمنها و من اي جايزه .ربنا يعلي قدرك و اسمك يا دكتور عبيد حتي يكتب علي شوارع و مساجد البلد التي فضلتها علي بلاد العالم لتخدم ترابها و اهلها .الف حمد لله علي وجودك وسطنا و يا رب ما يحرمنا من علمك و رحمتك ابدا يا رب

    ردحذف
  16. بسم الله الرحمن الرجيم
    انا قريت كل التعليقات اللى اتكتبت عن الدكتور محمد و مش لاقية كلام اضيفة اكتر بالرغم من انه يستحق اكتر بجد اول مرة اشوف دكتور متواضع و متابع لمهنته و اصدقاؤه و مرضاه ربنا يزيده يارب و من نجاح لنجاح اكبر

    kamar/facebook

    ردحذف
  17. ما شاء الله انا قرات كل المكتوب وده شجعنى انى اذهب له انشاء الله توكلت على الله

    ردحذف
  18. بسم اللة الرحمن الرحيم و اذا مرضت فهو يشفين . صدق اللة العظيم. قرات التعليقات كلها وكنت فاقد الامل ات الاقى دكتور علشان يعالج زوجتى وفعلا وبدون مبالغة انا شعرت انها تحسنت بمجرد قرائتنا للتعليقت المكتوبة واملنا فى ربنا كبير ان الشفاء بكون على ايد دكتورنا الكبير محمد عبيد يارب اشفى كل مريض

    ردحذف
  19. عايزه اعرف العنوان والتليفون ضرورى

    ردحذف
  20. عايزه اعرف العنوان والتليفون ضرورى

    ردحذف
  21. كل ما تود معرفته عن شركات الربح من الإنترنت

    www.jaleleo.blogspot.com

    ردحذف
  22. يا جماعة انا عاوزه اعرف في عيادة الدكتور محمد عبيد يعني لو حد يعرف فروعه فين ؟؟ يقولي لوسمحت

    ردحذف
  23. تمنياتي بالتوفيق للدكتور محمد عبيد
    تحياتي / محمد عبيد

    ردحذف
  24. انا اسمى ميار كل بعمل رجيم بزيد وزنى تانى مش عرفة اعمل اية

    ردحذف
  25. انا عايز رقم تلفوان الكتور محمد عبيد لوسمحات ممكن

    ردحذف
  26. السلا م عليكم ممكن علوان العيادة الدكتور محمد عبيد
    لو ممكن ياريت يتصل على رقمى 01141379627

    ردحذف
  27. السلام عليكم ممكن رقم تلفوان او علوان الد كتور محمد عبيد لو ممكن اتصل على رقمى 01141379626

    ردحذف