هند عبد الفتّاح .. قاهرة المحبسين

المتســابـق الحـادي عشـر
-------------------------------------------------

إن كان الإعلام ما أظهرش لينا غير طه حسين واحد ..

إلا إن مصر أنجبت أكتر من طه فى مجالات كتير و علوم أكتر



"هند عبد الفتاح .. رهينة المحبسين"


بالرغم من فقدانها لنعمة البصر

إلا إنها قررت ان تقهر هذا الظلام الناتج عن فقدان البصر

و تنيره بنور البصيره

و على الرغم من إصابتها بالسرطان

إلا أنها قررت أن تقهر هذا السرطان بقوتها و إرادتها و بحبها للحياة



لتصبح

هند عبد الفتّاح .. قاهرة المحبسين



المحبسين : فقد البصر , السرطان


"رحلة كفاح.."

هند اتولدت كفيفة تعاملت عادى ككفيفة و اتربـّت وسط اصدقاءها الأصحاء

بدأت بس مشكلاتها فى دخولها الجامعة ..

كانت بتحب قسم الإنجليزى ولكن لم يقبلها القسم لظروف إعاقتها

و أضطرت لدخول قسم الفلسفة رغم إنها ما كانتش مرتاحاله و إتخرجت منه ..



اثناء دراستها للفسلفة بدأت صراعها مع السرطان

و مرت برحلة قاسية فى تعاملها و علاجاتها المتكررة من السرطان ..

تعاملت مع المرض كصديق

و تقبلّته و تعاملت معه براحة نفسية و رضا ..

وبفضل من الله قدرت تكمل حياتها و دراستها

و حصلت على ليسانس أداب كلية عين شمس

و بعد التخرج قدرت تدخل القسم اللى بتحبه ..

إنجليزى فى جامعة القاهرة (تعليم مفتوح )..

ولكن برضو كانت هناك المعوقات نفسها امامها ..

كونها كفيفة

و بعد سنتين من التحاقها بالقسم فى

( كلية الاداب التعليم المفتوح قسم الإنجليزى )

الإدارة بلّغتها انها قُبلت عن طريق الخطأ ..



تابعت تعلمها للغة الإنجليزية و اتقانها و دخولها فى العديد من الكورسات و الدورات ..

كانت طريقة مذاكرتها لموادها عن طريق سماع شرايط الكاسيت

و بعد كدة تنقل الكلام فى مذكراتها الخاصة بطريقة برايل عشان تقدر تسترجعه تانى



هند كانت تتمنى إن التعليم فى مصر فى بعض الجامعات إنه يكون متطور اكتر من كدة

و يعترف بقدر الإنسان بعيداً عن التقليل منه لفقده حاسة من الحواس

و بدون التفرقة بينه و بين غيره


هند عبد الفتاح .. قاهرة المحبسين

بدأت تتجه لمجال التنمية البشرية و حضرت العديد من المحاضرات لدكتور إبراهيم الفقى ..

و هدفها من خلالها إنها تسيب بصمة فى حياة الناس

و تحس إنها أثّرت فعلا فى مجتمعها



حصلت على دبلومات كتيرة فى البرمجة اللغوية العصبية

و ممارس للتنويم المغناطيسى و دبلومات تانية كتير



اسوأ كلمة أتقالت او اعيبت بها هند هى كلمة (دى عامية) ولكن هند تقبلتها بهدوء

و بشكل تانى معقبة على الكلمة دى إنها وصف عادى ذكر كتير فى القرآن ..



كانت زمان بتحلم فى المستقبل إنها تعمل قرص تعليمى عن التحكم فى الخوف ..

و بالفعل حققت هدفها و عملت القرص

و قدمت محاضرات كتير استفاد شباب كتير منها و انبهروا بطريقة شرحها



التحكم فى الخوف .. كانت ليها علاقة بهند نفسها قبل ما تكون رسالة عايزة توصلها لكل الناس ..

إنها تكسب الثقة و تتغلب على مخاوفها و العوائق اللى واجهتها ..

بدأت تدريب التحكم فى الخوف عند الأطفال و التعامل معاهم ,

بابسط الطرق بحيث يكون الطفل و ينشأ على عدم الخوف

و يتعلم حاجات كتير فى حاجاته اليومية بنفسه

و كمان بتعلم الدور الاكبر للأهل نفسهم فى كيفية التعامل مع الأطفال

فى منطقة الخوف و تزويد ثقة الأطفال فى نفسهم



القصة القصيرة كانت ليها النصيب من إبداع هند عبد الفتاح فيها ,

برعت فى القصة القصيرة و حازت على عدّة جوائز فيها



نصيحة هند لأى شاب :

تبصش لتجربة غيرك ما تقارنش نفسك بحد ,

انت متميز ,

سيب الماضى ,

سيب تجاربك الفاشلة,

انت من نفسك ابتدى ,

ما تقولش أحلامك لحد إلا اللى انت واثق فيه عشان يشجعك

و ما يسرقش فكرتك او يحبطك ..

بدل ما تضيع طاقة فى الكلام ضيعها فى الفعل .



أمل هند فى الحياة نفسها تبقى زى د/ ابراهيم الفقى

و تبقى مدربة محترفة مشهورة

و الناس كلها تعرفها و تسيب أثر فى مجتمعها

و برّة مجتمعها تمثّل مصر فى الخارج بصورة مشرِّفة ,

و ما زالت تحتفظ بمقولة لـ د/ ابراهيم الفقى بتتردد دايما فى ذهنها

"إن كانت فيكى حاسة ضايعة .. فيه اربع حواس غيرها لسّة شغالين"



من كلمات هند :

ما تستحلاش ان حد يبصّلك بعطف ,

ده ممكن يحولك لمعاق بإيدك ,

ما تسيبش حد يبصلك بصّة مش كويسة ,

ابتدى انت بنفسك ما تستناش حد يشدّك

-------------------------------------------------

لمشاهدة هند ,
تابع قناتها على اليوتيوب

http://www.youtube.com/user/hendabdelfattah